वीरगंज । कुकुरको टोकाइबाट हुम्लामा एक महिला गम्भीर घाइते भएकी छन्। सिमकोट गाउँपालिका–५ की सप्पा रावतलाई मंगलबार बिहान कुकुरले टोकेर घाइते बनाएको हो। उनको हाल जिल्ला अस्पतालमा उपचार भइरहेको र थप उपचारका लागि जिल्ला बाहिर रेफर गरिएको हुम्ला जिल्ला अस्पतालकी विरिष्ठ अनमी सरिता बोहोराले जानकारी दिइन्।
बारीमा गोडमेल गरिरहेकी उनलाई ७ वटा कुकुरले एकसाथ आक्रमण गरेका थिए। घाइते अवस्थामा रहेकी उनलाई खेल मैदानमा फुटबल प्रशिक्षण गर्दै गरेका विष्णु रावतलगायतको टोलीले अस्पताल पुर्याएको थियो।
उनको टाउको, शरीरको पछाडिको भाग, हातखुट्टामा टोकेर कुकुरले घाउ बनाएको बोहोराले बताइन्। अनमी बोहोराका अनुसार घाइते रावत अहिले बोल्न सक्ने अवस्थामा छैनन्। अस्पतालमा उनलाई प्राथमिक उपचार गरिएकोव र थप उपचारको लागि नेपालगञ्ज लैजाने तयारी भइरहेको छ। उनी जिल्ला समन्वय समितिको कार्यालय सहयोगी पनि हुन्।
