वीरगंज । नेपाली कांग्रेसका प्रवक्ता डा. प्रकाश शरण महतले वीरगन्जको चिनिकारखाना र कृषी औजार कारखाना संचालन गर्न नसकिने स्पष्ट पार्नुभएको छ । प्रेस युनियन पर्साले आईतबार वीरगन्जमा आयोजना गरेको पत्रकार सम्मेलनमा बोल्दै प्रवक्ता महतले बजेट भाषणमा अर्थमन्त्री ज्यूले बोलेको कुरा सबै अक्षरस ठिक छ भन्ने म विस्वस्त छैन । अर्थ मन्त्रालय व्यवसायीक रुपमा चल्नु पर्छ ।
सरकारी उद्योग तथा कलकारखाना संचालन गरे देश घाटामा नै जान्छ, त्यसैले लामो समय देखि बन्द रहेको वीरगन्ज चिनी कारखाना तथा कृषि कारखाना त्यसतै काठमाडौंमा रहेको ईटा उद्योग, राजधानी वाहिर बन्द रहेका बिभिन्न कारखाना हरू फेरि संचालन मा ल्याउनु पर्ने आवश्यक नरहेको उनले बताए ।
निजि क्षेत्रको लगानी गरिसकेको क्षेत्रमा सरकारले लगानी गर्नु पर्ने कुनै आवश्यकता नरहेको औल्याउँदै सरकारले स्वास्थ्य, शिक्षा, बाटोघाटो, खानेपानी लगायत सार्वजनिक सदुपयोग हुने कुरामा लगानी गर्नुपर्ने जोड दिए ।
२०४६ परिर्वतन पहिला सार्वजनिक सम्पत्ती घाटामा थियो त्यसलाई सुधार गर्न सकिदैन, सरकारले अनावश्यक ठाउँमा सहभागिता नजनाउँने बताउँदै उनले भने, ‘ कांग्रेसले देशको उद्योग बन्द ग¥यो भनेर कम्युनिष्टहरुले गाली गर्थे तर कम्युनिष्टहरु सरकारमा आउँदा किन ति बन्द उद्योग संचालन गर्न सकेनन् प्रश्न गर्दै उहाँहरुलाई पनि थाहा छ, बन्द उद्योग संचालन गरे नाफा होईन देशलाई घाटा नै हुन्छ ।
महतले स्टेट पार्टनरसीप प्रोग्राम एसपीपीलाई राष्ट्रियतासँग जोडेर एमालेले आक्रमण गर्न खोजेको आरोप समेत लगाए । उनले एमालेले आक्रमण गर्न खोजे पनि अहिले त्यो विफल भएको दावी गरे । ‘स्थानीय चुनाव हारेको अवस्थामा फरि कुनै एउटा राष्ट्रियतासँग जोडिएको मुद्दा खोजेर आक्रमण गर्दा सहज हुन्छ कि भनेर आक्रमण गरेका रहेछन्,’ उनले भने, ‘आरोप प्रत्यारोपको कुनै अर्थ छैन । सम्पूर्ण कुरा थाहा भइसकेको छ ।’
नेपाली कांग्रेस र कांग्रेसको नेतृत्वका सरकार नेपालको स्वार्थ र हितलाई केन्द्रित गरेर मात्रै परराष्ट्र नीति सञ्चालन गर्ने बताउँदै उनले स्टेट पार्टनरसीपको विषयमा पनि त्यसै हुने उनको दावी छ । स्टेट पार्टनरसीप प्रोग्राम कुनै सैन्य गठबन्धन नभएको दाबी गर्दै पूर्व परराष्ट्रमन्त्रीसमेत रहका उनले भने, ‘सैन्य गठबन्धनतर्फ उन्मुख हुन्छ कि भन्ने चासो र चिन्ता हुन्छ । त्यसलाई ध्यानमा राखेर सहभागी नहुने कुरा प्रधानमन्त्रीले भनिसक्नुभएको छ ।’
महतले संघ र प्रदेशको निर्वाचनमा पनि गठबन्धनको आवश्यकता रहेकोमा जोड दिए । कुनै एउटा दलले पूर्ण बहुमत ल्याउने कुरा कठिन रहेको बताउँदै उनले चुनाव अघि नै गठबन्धनका लागि सहमति हुनुपर्नेमा जोड दिए । प्रेस युनियन पर्साले वीरगञ्जमा आयोजना गरेको पत्रकार सम्मेलनमा बोल्दै नेता महतले चुनावपछि सरकार बनाउन दल खोज्दै हिँड्नु भन्दा अहिले नै गठबन्धन गरेको राम्रो हुने सुझाव दिए ।
स्थानीय तहमा भएको गठबन्धन तालमेलमा भएका कमीकमजोरीको समीक्षा गरेर कसरी अघि जाने भनेर निर्णय गर्नुपर्ने उनको भनाइ छ । केपी ओली सरकारले कोभिड–१९ को राम्रोसँग व्यवस्थापन गर्न नसकेको, भ्रष्टाचार बढेको र संवैधानिक मर्यादा कायम राख्न नसकेकोले गठबन्धन गरेको बताउँदै उनले त्यसको निरन्तरता आवश्यक रहेको बताए ।
