वीरगंज । मोटरसाइकल चोरीको अनुसन्धान गर्ने क्रममा पक्राउ गरेका एक युवकको कोठा खानतलासी गर्दा पेस्तोल भेटिएको छ।

जिल्ला प्रहरी कार्यालय मोरङले मोटरसाइकल चोरी गरेको अभियोगमा मोरङ बुढिगंगा गाउँपालिका वडा नम्बर ६ बस्ने ३२ वर्षीय विनोद चौधरीकोलाई पक्राउ गरेको थियो। चोरीको घटना अनुसन्धान गर्दा सुनसरी दुहबी नगरपालिका वडा नम्बर-३ स्थित डेरा कोठामा खानतलासीको चाइनिज पेस्तोल फेला गरेको जिल्ला प्रहरी कार्यालय मोरङका डिएसपी दीपक श्रेष्ठले जानकारी दिए।

त्यस्तै पेस्तोलको म्याग्जिन १ थान, गोली एक राउन्ड बरामद गरेको छ। विगत एक महिनाको अवधिमा मोटरसाइकल चोरीमा संलग्न १६ जना मानिसहरू पक्राउ र २१ थान मोटरसाइकल समेत बरामद गरेको छ।