बिरगंज । बिल विजक भन्दा बढी बिभिन्न किसिमका हार्वयर पार्टस, औषधी लगायतका मालवस्तुहरू बोकेको सूचना प्राप्त भई यस कार्यालयबाट खटिएको टोलीले मिति २०७९।०२।२४ गते अं.२१:१५ बजे जिल्ला पर्सा वीरगञ्ज महानगरपालिका वडा नं.१० घण्टाघर सडकखण्डमा बा ५ ख ८६५८ र लु २ ख ५३४९ नम्बरको मालवाहक ट्रकहरूलाई रोकी जाँच गर्ने क्रममा विल बिजक शंकास्पद देखिएकोले उक्त ट्रकहरू नियन्त्रणमा लिई रू. १,००,००,०००।- (एक करोड) मूल्याङ्कन गरी आवश्यक कारवाहीको लागि मिति २०७९।०२।२५ गते राजश्व अनुसन्धान कार्यालय पथलैया, बारामा बुझाइएको व्यहोरा सूचित गरिन्छ ।

साथै, बिल विजक भन्दा बढी बिभिन्न किसिमका औषधी, लत्ताकपडा लगायतका खुद्रा मालवस्तुहरू बोकेको सूचना प्राप्त भई यस कार्यालय मातहत वडा प्रहरी कार्यालय विर्ताबाट खटिएको टोलीले मिति २०७९।०२।२५ गते अं.२४:३० बजे जिल्ला पर्सा वीरगञ्ज महानगरपालिका वडा नं.०८ माईस्थान सडकखण्डमा ना ४ ख ४३०१ नम्बरको मालवाहक ट्रकलाई रोकी जाँच गर्ने क्रममा विल बिजक शंकास्पद देखिएकोले उक्त ट्रक नियन्त्रणमा लिई रू. १,००,००,०००।- (एक करोड) मूल्याङ्कन गरी आवश्यक कारवाहीको लागि मिति २०७९।०२।२५ गते राजश्व अनुसन्धान कार्यालय पथलैया, बारामा बुझाइएको व्यहोरा सूचित गरिन्छ ।