औरही । महोत्तरीको मनराशिसवा नगरपालिका वडा नम्बर १ स्थित मनरा बजारमै नेपाल विद्युत प्राधिकरणको लापरबाहीका कारण कयौंपटक सर्वसाधारणहरु विद्युत प्रवाहबाट घाइते भएका छन् ।

मनरा बजार स्थित करिब ५० वर्षदेखि संचालनमा रहेको कामेश्वर भण्डारी मालीको पान पसल माथि रहेको ट्रान्सफरमरबाट विद्युत सर्ट सर्किट भई कयौ व्यक्ति घाईते भएको छ ।करीब तीन दशकदेखि सडकदेखि ६ फिट माथी रहेको सो ट्रान्सफरमर नगरपालिका भित्र विद्युत प्रशारण भई रहेको स्थानीयले बताए ।

बिगत ८ महिना अगावै पीडित भण्डारीले ब्यापारी, विद्यार्थी र सर्वसाधारणलाई ध्यानमा राख्दै उक्त विद्युतिय ट्रान्सफरमर सार्नको लागि वडा, नगरपालिका र विद्युत प्राधिकरणमा निवेदन दिदा पनि कुनै पक्षबाट सुनुवाइ भएको छैन । ट्रान्सफरमरको छेउछाउमा करिब ३० वटा पसल, बैंक, मठ मन्दिर, प्रहरी चौकी, डाक्टर क्लिनिक, वडा कार्यालय र विद्यालय रहेकोे छ ।