पर्सा । पर्साको पोखरीया नगरपालिकामा रक्तदान कार्यक्रम सम्पन्न भएको छ । नेपाल रेडक्रस सोसाइटी पोखरीया उपशाखाद्वारा आयोजित कार्यक्रममा ३ जना महिलासहित ३४ जनाले रक्तदान गरेको रक्तसञ्चार केन्द्र वीरगञ्जका प्रमुख सौरभराज पाण्डेले जानकारी दिए ।

नेपाल रेडक्रस सोसाइटी पोखरीया उपशाखाका सभापति भगवान दास कुर्मीको सभापतित्वमा सम्पन्न कार्यक्रममा पोखरिया नगरपालिकाकी निवर्तमान उपप्रमुख सल्मा खातुन, जनार्दन गिरी, शीवरन्जन पटेल, दिपिका सिंह, ऋषिमुनि कुमारी चौहान, अफरोज आलम, अमित चौहान, प्रकाश कलवार लगायतले रक्तदान गरेका हुन् ।

रक्तदान कार्यक्रममा पोखरीया नगरपालिकाका नवनिर्वाचित मेयर प्रधुमन चौहान, पुर्व मेयर दिपनारायण रौनीयार, लोसपाका नेता नेजामोद्दिन समानी, नेपाल रेडक्रस सोसाइटी मधेश प्रदेशका अध्यक्ष फुल महम्मद मिया, पर्सा शाखाका सभापति वीरेन्द्रराज कँडेल लगायतको पनि उपस्थिती रहेको थियो