वीरगंज । स्थानिय निर्वाचनको मिति नजिकिएसँगै नुवाकोटमा चुनावी रौनक छाएको छ । निर्वाचन आउँन मात्र ३ दिन बाँकी रहँदा बेलकोटगढी वडा नम्बर १३ धेरै चर्चाको विषय बनेको छ । वडामा नेपाली काग्रेसको तर्फबाट उम्मेद्धवार बनेका नमराज पाण्डेको कारण यो वडा चर्चाको शिखरमा छ । वडा अध्यक्ष पदका उम्मेदवार नमराज पाण्डेको वडामा दवदवा देखिएको छ ।निर्वाचनकै मुखमा पाण्डेको जित्ने प्रवल संभावना देखिएको हो । समाजसेवी पाण्डेले समाजको विकास र समृद्धिका लागि विगतदेखि नै काम गरेकोले उनी जनताको भरोसाको रुपमा देखा परेका छन ।

वडाको सुशासन कायम गर्न, वडाको बिकाश, भ्रस्टाचार निर्मुल गर्न , खानेपानी , सडक , रोजगार जस्ता विकासप्रेमी काम गर्दै आएका पाण्डे चर्चाको केन्द्रमा छन ।पाण्डेको उम्मेदवार लाई जनताले मन पराएको हुदा लोकप्रिय मतले जित्ने उनको दावी छ । वडा नम्बर १३ मा एमालेको तर्फबाट वडाध्यक्षमा पशुपति लोहनी र मावोबादी बाट धनबहादुर लामाले उम्मेद्धवारी दिएका छन् ।गठबन्धन दलको तर्फबाट बेलकोटगढी नगरपालिकाको मेयरमा जगत लामा र उप मेयरमा शिब दाहाल ले उमेदवार दिएका छन् ।