वैशाख २७,पर्सा।
वीरगंजको रानीघाट क्षेत्रबाट एउटा मोटरसाईकल चोरी भएको घटना बाहिर आएको छ। आईतबार साँझ ५ बजेर ५२ मिनेटमा बाईक चोरी भएको सिसि टिभी क्यामेरामा हेर्न सकिन्छ। वीरगंजको भारतीय दुतावास भन्दा २५० मिटर पछाडी पश्चिम तिर गोल्डेन वाटिका विद्यालय जाने बाटोमा रोकी राखेको मोटरसाईकल चोरी भएको हो।

पर्साको विन्दवासिनी गाउँपालिकाको इटियाहि बस्ने २१ वर्षका उमाकान्त पंडितको नाममा रहेको बाजाज कम्पनीको २२० सिसिको मोटरसाईकल चोरी भएको पर्सा प्रहरीले दर्ता गरेको निवेदनमा उल्लेख छ। प्रदेश २-०३-२३ प.५९७ नम्बरको २०२२ मोडेल मोटरसाइकल रहेको निवेदनमा लेखिएको छ। कालो र रातो रंगको मोटरसाईकल भएको निवेदनमा लेखिएको छ।

चोरी स्थलबाट नजिकै रहेको एमालेका नेता राजकुमार गुप्ताको घरमा जडान भएको सिसि टिभी क्यामेरामा जांच गर्दा एक जना युवाले मास्कले अनुहार छोपी मोटरसाईकल चोरी गर्दै लागेको प्रष्ट देखिन्छ। सिसि टिभीका अनुसार रोकी राखेको मोटरसाइकल उत्तर दिशा तर्फ गुड्काउदै लैजान्छन। यस चोरीको गह्तना बारे आवश्यक छानबिन र खोजि जारि रहेको जिल्ला प्रहरी कार्यालय पर्साले जनाएको छ।