बारा | नेकपा एकीकृत समाजवादीका केन्द्रीय अध्यक्ष तथा पूर्व प्रधानमन्त्री माधवकुमार नेपालले निर्वाचन विरोधी समूहले चुनाव सार्ने हल्ला गरेको बताएका छन्। कलैयामा आयोजना गरिएको पत्रकार सम्मेलनमा बोल्दै नेपालले सत्ता साझेदार पार्टीका नेताहरु चुनावको तयारीमा जुटिसकेकाले चुनाव कुनै पनि हालतमा नसर्ने बताए।

वैशाखमा हुन लागेको स्थानीय तहको निर्वाचनको तयारीकै क्रममा आफू बारा आएको नेपालले जानकारी दिए।सोहीक्रममा उनले भोकमरी, बोरोजगारी र अशिक्षा एकीकृत समाजवादी पार्टीका प्रतिद्वन्द्वी भएको पनि बताए।

बारामा रहेका स्थानीय तहहरुमा सत्ता साझेदारहरुसँग तालमेल हुने सम्भावना बढी रहेको नेता नेपालले बताए। आउने स्थानीय तह लगायत तीनवटै तहको निर्वाचनको लागि तयारी रहन नेता नेता कार्यकर्तालाई नेपालले निर्देशन गरे।