वीरगञ्ज । लागूऔषध अफिमसहित पर्साबाट एकजना महिला पक्राउ परेकी छन् ।
सशस्त्र प्रहरी बल पर्साले लागूऔषध अफिमसहित वीरगञ्जबाट एकजना महिलालाई सशस्त्र प्रहरीले पक्राउ गरेको हो ।
पक्राउ पर्नेमा बारा जिल्लाको जितपुरसिमरा उपमहानगरपालिका-७ निवासी ४० वर्षीय रिना देवी रहेकी छन् ।शसस्त्र प्रहरी बल १३ नम्बर गण पर्साबाट खटेको प्रहरी टोलीले रिना देवीलाई ३ किलोग्राम अफिमसहित नियन्त्रणमा लिएको जनाएको छ ।
नेपालबाट भारततर्फ गईरहेको रिनालाई सशस्त्र प्रहरीले रोकेर वीरगञ्ज हानगरपालिका-१७ भेडियाही आसपास चेकजाँच गर्दा उनले बोकेको ६ ओटा पोकाबाट ५ सय ग्रामका दरले ३ किलोग्राम अफिम बरामद भएको थियो ।रिनालाई नियन्त्रणमा लिएर आवश्यक कारवाहीका लागि जिल्ला प्रहरी कार्यालय पर्सामा पठाइएको सशस्त्र प्रहरी पर्साले जनाएको छ ।
