वीरगंज | स्वास्थ्यका लागि खेलकूद, राष्ट्रका लागि खेलकूद’ नाराका साथ शनिवारदेखि पटेर्वासुगौली गाउँपालिकामा दोस्रो पटेर्वासुगौली गोल्डकप शुरू भएको छ ।वडा नं ५ निचुटा खेलमैदानमा शुरू भएको प्रतियोगिताको उद्घाटन गर्दै गापा अध्यक्ष हरिनारायण चौधरीले युवाहरू लागूऔषध जस्ता विकृतिमा लागेको र खेलको माध्यमबाट त्यस्ता विकृतिहरूलाई निरुत्साहित गर्न सकिने हुँदा गापाले खेलको माध्यमबाट सोविरुद्ध अभियान शुरू गरेको बताए ।
अध्यक्ष चौधरीले फूटबलका प्रतिभाहरू छनोटका लागि छनोट खेल भइसकेको र नयाँ टीम व्यवस्थापन भइरहेको जानकारी गराए । उनले छनोट भएका खेलाडी सम्मिलित टीमका लागि कोचको व्यवस्थापन गरी अन्तर्राष्ट्रिय तथा राष्ट्रिय खेलाडी ल्याइ खेलाउनुभन्दा आफ्नै खेलाडी तयार गर्न लागेको बताए ।
उपाध्यक्ष ममता महतोले नागरिकहरूलाई स्वस्थ राख्न जनप्रतिनिधिहरूको जिम्मेवारी रहेको र सोहीअनुरूप काम शुरू गरिएको बताइन् । उनले स्वस्थ युवा जनशक्ति उत्पादनका लागि गापाबाट गत वर्षदेखि यो अभियान सञ्चालन गरिएको बताइन् ।
गापाको सहयोग र समता समाज नेपालको आयोजनामा भएको गोल्डकप विजेतालाई नगद दुर्ई लाख, उपविजेतालाई रु १ लाख नगद र शिल्ड प्रदान गरिने आयोजक संस्थाका अध्यक्ष मधुकान्त चौधरीले बताए ।
प्रतियोगितामा म्यान अफ दी म्याच, म्यान अफ दी सिरिज, बेस्ट स्कोरर, बेस्ट कीपर, मिडफिल्डरलगायत उत्कृष्ट खेलाडीहरूलाई नगद, ट्रफी प्रदान गरिने उनले जानकारी गराए । प्रतियोगितामा पर्सा, बारा, मकवानपुर, चितवन, नवलपरासी र बिहारको पश्चिमी चम्पारण जिल्लाका १६ वटा टिमको सहभागिता रहने आयोजकले जनाएको छ ।
शनिवार भएको पहिलो खेलमा प्रगतिशील क्लब जुगुवा, बारालाई शून्यका विरुद्ध तीन गोलअन्तरले वसन्तपुर युनाइटेड, माडी, चितवनले पराजित ग¥यो । यो खेलको म्यान अफ दी म्याच जर्सी नं ७ का ह्दयेश चेतन घोषित भए ।यसैबीच, आइतवार भएको पहिलो खेलमा पर्सा राइडर्स क्लब, सिरही विजयी भयो । हाम्रो फूटबल क्लबलाई शून्यका विरुद्ध दुई गोलअन्तरले पराजित गरेको हो । सिरहीका विमल तामाङ ‘म्यान अफ दी म्याच’ घोषित भए ।
दोस्रो खेलमा कालिका स्पोट्र्स क्लब, चितवनले अभिषेक चर्च, नवलपरासीलाई शून्यका विरुद्ध एक गोलअन्तरले पराजित ग¥यो । सो खेलको ‘म्यान अफ दी म्याच’ चितवनका विदेशी खेलाडी यमी घोषित भए ।भोलि सोमवार पहिलो खेल एनएनजेवाइसी, जीतपुर र एफसी भक्तपुरबीच र दोस्रो खेल महावीर क्लब, सोलखपुर र झारखण्ड युवा क्लब, देवरियाबीच हुने आयोजक कमिटीले जनाएको छ । खेल फागुन २८ गतेसम्म जारी रहने आयोजकले जनाएको छ ।
