बारा | बाराको पिलुवा कलैया सडक खण्डमा टिपरले विद्युत तार र पोलमा क्षति पु¥याएको भन्दै अवरुद्ध भएको सडक सुचारु भएको छ । जीतपुरसिमरा उपमहानगरपालिका वडा नम्बर १८ को माथिल्लो बडहर्वाका ५० भन्दा बढी घरधुरीमा जडित विद्युत लाईनको तार टिपरले छिनाएको र पोलमा समेत क्षती पु¥याएपछि स्थानियले सडकमा अवरोध गरेका थिए ।

तत्काल विद्युत लाईन मर्मत, क्षतीपूर्ती र चालकलाई कार्वाहीको माग गर्दै विहान ६ बजेदेखि अवरुद्ध सडक साढे ३ घण्टापछि सुचारु भएको प्रहरीले जनाएको छ । स्थानियको माग पुरा गरिदिने गरी सवारीधनी सकारात्मक भएपछि सडक खुलेको प्रहरी चौकी जैतापुरका प्रहरी सहायक निरिक्षक रामप्रवेश महत्तोले जानकारी दिए । घटनामा संलग्न ना ३ ख ७०८२ नम्बरको टिपर प्रहरीले नियन्त्रणमा लिएको छ । चालक फरार रहेकाले खोजी कार्य भैरहेको प्रहरीको भनाई छ । चालकले टिपरको टिलर उठाएर हिड्ेकाले तारमा क्षती भएको प्रत्यक्षदर्शीले बताएका छन् ।

सवारीधनी ,प्रहरी ,जनप्रतिनीधि र स्थानियका विचमा विद्युत प्राधिकरणसँग समन्वयगरी विद्युतलाईन तत्काल मर्मत गरी सुचारु गर्ने र नोक्सानीको एकिन गरि क्षेतीपूर्ती उपलब्ध सहमती भएको छ । सर्वसाधारणले क्षतीपूर्ती पाएपछि मात्रै घटनामा संलग्न टिपर छाड्ने गरी प्रहरी चौकी जैतापुरमा हस्ताक्षर भएको छलफलमा सहभागि स्थानिय सामाजिक अगुवा बसन्त खतिवडाले जानकारी दिए ।