वीरगन्ज । राष्ट्रिय वाणिज्य बैंकको मोबाइल बैंकिङ अब इन्टरनेट बिना पनि चलाउन सकिने भएको छ । बैंकले आफ्नो ५७ वार्षिकोत्सवको अवसरमा इन्टरनेट नभएपनि युएसएसडीबाट प्रयोग गर्न गरी युएसएसडी मोबाइल बैंकिङ सेवा सार्वजनिक गरेको हो ।

कार्यक्रमका प्रमुख अतिथि तथा अर्थमन्त्री जनार्दन शर्माले उक्त युएसएसडी मोबाइल बैंकिङको शुरूवात गरेका हुन् ।
अब युएसएसडीबाट ब्यालेन्स चेक, स्टेटमेन्ट फन्ड ट्रान्सफर, मोबाइल टपअप, पिन चेन्ज तथा ट्रान्ज्याक्सन पिन चेन्ज लगायतका सेवा प्रयोग गर्न सकिने छ । युएसएसडीबाट मोबाइल बैंकिङ प्रयोग*३१०११*२०१# डायल गर्नुपर्ने छ ।

यसअघि बैंकको मोबाइल बैंकिङ एसएमएस र इन्टरनेटबाट चलाउन सकिन्थ्यो । तर अब भने स्मार्टफोन नभएपनि किप्याड फोनबाट समेत बैंकको मोबाइल बैंकिङ एप चलाउन सकिने छ ।