आज:

काठमाडौं उपत्यकाका मिडिया हाउसमा आगोसरी फैलियो कोरोना

वीरगंज संजाल

६ माघ २०७८, बिहीबार १६:३५

३५९३

काठमाडौं । नेपालमा कोरोना संक्रमणको तेस्रो लहरको मुख्य चपेटामा सञ्चार क्षेत्र परेको छ । हालसम्म काठमाडौं उपत्यकामा सञ्चालित विभिन्न सञ्चारमाध्यममा कार्यरतसहित नेपाल पत्रकार महासंघका पूर्व अध्यक्ष र सदस्यहरु गरी २३० जनामा कोरोना संक्रमण पुष्टिभएको छ ।

नेपाल पत्रकार महासंघले एक विज्ञप्ति जारी गर्दै सो बारेमा जानकारी गराएको हो । महासंघका अनुसार हालसम्म महासंघका पूर्व अध्यक्षहरु तारानाथ दाहाल, शिव गाउँले, महेन्द्र विष्टका साथै प्रतिष्ठान प्रदेशबाट निर्वाचित दुई केन्द्रीय सदस्यसहित प्रदेश समितिका पदाधिकारी, सदस्यका साथै एक दर्जन शाखाका अध्यक्षहरु संक्रमित भएका छन् ।

साथै, प्रतिष्ठान प्रदेश समिति अन्र्तगतका शाखा र सञ्चार गृहमा कार्यरत गरी अहिलेसम्म २२१ जना संक्रमित भएको प्रारम्भीक जानकारी प्राप्त भएको छ । केही शाखा र सञ्चारगृहको विवरण आउनेक्रम जारी छ रहेको महासंघले जनाएको छ ।

कुन सञ्चारगृहमा कति छन् संक्रमित ?

१. नेपाल टेलिभिजन –१६

२. ग्यालेक्सी टेलिभिजन – २२

३. नयाँ पत्रिका – २०

४. हरेकपल –१७

५. कान्तिपुर र गोरखापत्र – १५÷१५

६. थाहा रेडियो –१३

७. कान्तिपुर टेलिभिजन –११

८. नेपाल लाइभ÷स्वास्थ्यखबर –८

९. नागरिक दैनिक÷नागरिकन्यूज –७

१०. न्यूज२४, अनलाइनखबर –६÷६

११. हिमाल खबर, एपीवान, उज्यालो रेडियो रेडियो कान्तिपुर, रेडियो र्मिमिरे, बाह्खरी –५÷५