जनकपुरधाम । जनमत पार्टीले घोषणा गरेको अनिश्चितकालीन पूर्व-पश्चिम राजमार्ग बन्दको प्रभाव सिरहा र सप्तरीमा परेको छ ।

जनमतका कार्यकर्ताले बिहानैदेखि सिरहाको लहान र सप्तरीको भारदह क्षेत्रमा प्रदर्शन गरिरहेका छन् । प्रदर्शनका कारण राजमार्ग ठप्प भएको छ । लहानमा कार्यकर्ताले उखु बोकेर प्रदर्शन गरेका हुन् । प्रदर्शनकारीले लाठी बोकेर राजमार्ग अवरोध गरिरहेका छन् । महिला कार्यकर्ताहरू पनि आन्दोलनमा सहभागी छन् ।

उनीहरूले किसानको माग पूरा गर, प्रहरी दमन बन्द गर, किसानलाई मलखाद नदिने सरकार मुर्दाबादजस्ता नारा लगाइरहेका छन् ।

किसानलाई सिंचाईको व्यबस्था वा बिजुली नि:शुल्क दिनुपर्ने, समयमा मलखाद उपलब्ध गराउनुपर्ने, किसानलाई पेन्सन दिनुपर्नेलगायतका ११ बुँदे माग राखेर जनमत पार्टीले मधेशकेन्द्रित आन्दोलन गरिरहेको छ ।