वीरगन्ज । भन्सार छली ल्याउदै गरेको हार्डवेयर पार्टस र औषधी बरामद भएको छ। सूचना परिचालन तथा प्रहरी कारवाहीको सिलसिलामा यहि २८ गते करिब 6:30 बजे वीरगञ्ज महानगरपालिका भित्र ईनर्वागाउँ, नगवा र लिंकरोड स्थितबाट अवैध रूपमा भन्सार छली ओसार पसार गर्दै गरेको अवस्थामा हार्डवेयर पार्टस र औषधी नियन्त्रणमा लिएको छ ।

नियन्त्रणमा लिएको हार्डवेयर पार्टस र औषधी करिब रू.३,०४,७००।-( तिन लाख चार हजार सात सय ) मुल्य बराबरको रहेको जिल्ला प्रहरी कार्यालय पर्साले जनाएको छ ।

सम्पूर्ण नियन्त्रणमा लिएको समान मूल्याङ्कन गरी आवश्यक कारवाहीको लागि वीरगञ्ज भन्सार कार्यालयमा बुझाइएको छ ।