रौतहट । आज बिहान ९ बजेको समयमा विशेष सूचनाको अधारमा जिल्ला प्रहरी कार्यालय रौतहट बाट खटिएको प्रहरी टोलीले जिल्ला रौतहट गौर नगरपालिका वडा नं.४ गढवा टोल

स्थित शिवाङगी पेट्रोल पम्म अगाडी गौर-चपुर सडक खण्डमा रोकी राखेको ना.६ ख-५९४३ नं.को आईचर ट्रक चेकजाँच गर्ने क्रममा उक्त ट्रकको चेचिसको भागमा फल्स बटम बनाई प्लाष्टिकले वेरेको १२ पोका १८६ किलो लागु औषध गाँजा फेला परेको छ।

उक्त गांजा बरामद गरी ट्रक र जिल्ला मकवानपुर थाहा नगरपालिका वडा नं.१२ वस्ने भिम बहादुर गोलेको छोरा अन्दाजी २५ वर्ष को ट्रक चालक सुरेन्द्र गोले र सोही ठाउँ वस्ने ईन्द्रमान तामाङको छोरा अन्दाजी १९ वर्षको रित्तम तामाङ समेतलाई नियन्त्रणमा लिई थप अनुसन्धान भईरहेको जिल्ला प्रहरी कार्यालय रौतहटका सूचना अधिकारि प्र.ना.उ. नारायण प्रसाद चिमरीयाले बताउनु भएको छ ।