भारत | भारतको छत्तीसगढमा प्रहरीले गोली चलाउँदा चारजनाको ज्यान गएको छ। अरु तीनजना घाइते भएका छन्।

छत्तीसगढको सुकमा जिल्लाको मरइगुडा थाना क्षेत्रमा रहेको सिआरपिएफ क्याम्पमा रहेका प्रहरी जवानले गोली चलाउँदा सिआरपिएफको ५० औँ बटालियनका चार जवानको मृत्यु भएको समाचार संस्था एएनआईले जनाएको छ। गोली लागेर तीन जवान घाइते भएका छन्।

प्रहरी जवानले आफ्नै सहकर्मीमाथि किन गोली प्रहार गरे भन्ने खुलेको छैन। अनुसन्धान सुरु भएको स्थानीय अधिकारीलाई उद्धृत गर्दै भारतीय सञ्चारमाध्यमले जनाएका छन्।