वीरगंज । राहुल गुप्ता । पर्सा को वीरगंज महानगरपालिका वडा नं २० हरपतगंज मा समुदायिक प्रहरी साझेदारी कार्यक्रम कार्यक्रम अन्तर्गत समुदायिक प्रहरी सेवा केन्द्र मुर्लि पर्सा तथा वडा प्रहरी कार्यालय श्रीपुर पर्सा को संयुक्त आयोजनामा महिला हिंसा , घरेलु हिंसा,बाल विवाह, सम्बन्धि कार्यक्रम सम्पन भएको छ। घरेलु हिंसा नियन्त्रण र बोक्सीको आरोप सम्बन्धी कसूर बारे ने.का.युवा नेता धिरज गुप्ताले राख्नु भयो।

.बोक्सीको आरोप सम्बन्धी कसूर:-
बोक्सीको आरोप लगाउने, बोक्सीको आरोपमा गाली वेडज्यती गर्ने,बोक्सीको आरोप लागेको व्यक्तिको परिवारको कुनै सदस्य प्रति अपमानजनक व्यवहार गर्ने,
बोक्सीको आरोपमा सामाजिक बहिष्कार गर्ने,
बोक्सीको आरोपमा बसोबास गरेको ठाउँबाट निकाला गर्ने,धामी, झाँकी, टुनामुना, तन्त्रमन्त्र, झारफुक वा यस्तै अन्य कुनै माध्यमद्वारा बोक्सीको आरोप लगाउने,बोक्सीको आरोपमा कुनै व्यक्तिलाई कुटपिट गर्ने, खोप्ने, डाम्ने, पोल्ने वा रासायनिक, विषालु वा जैविक पदार्थ प्रयोग गरी वा अन्य कुनै किसिमले यातना
दिने, मलमूत्र खुवाउने, चारपाटा मुड्ने, नग्न पारी वा नपारी कुनै ठाँउमा घुमाउने वा कुनै किसिमले क्रुर, अमानवीय वा अपमानजनक व्यवहार गर्ने, वोक्सीको आरोपमा अंगभंग गर्ने,बोक्सीको आरोपमा कसैको सम्पत्ति तोडफोड, हिनामिना वा हानी नोक्सानी
नियम बमोजिमको कुनै कार्य गर्ने वा बोक्सीको आरोप लगाउने कार्यलाई मद्दत पुग्ने उद्देश्यले कुनै भेला गरे वा गराएमा यस ऐन बमोजिम बोक्सीको आरोप सम्बन्धी कसूर गरेको मानिनेछ ।

. घरेलु हिंसा नियन्त्रण गर्ने सम्बन्धमा व्यवस्था गर्न बनेको ऐन प्रत्येक व्यक्तिको सुरक्षित र सम्मानजनक तवरले बाँच्न पाउने अधिकारको सम्मान गर्दै घर परिवारभित्र वा घर परिवारसँग गाँसिएर हुने हिंसाजन्य कार्यलाई दण्डनीय बनाई त्यस्ता कार्य नियन्त्रण गर्न तथा घरेलु हिंसाबाट पीडित व्यक्तिलाई संरक्षण गरी न्याय प्रदान गर्ने सम्बन्धमा कानूनी व्यवस्था गर्न वाञ्छनीय भएकोले, नेपालको अन्तरिम संविधान, २०६३ को धारा ८३ को उपधारा (१) बमोजिम संविधान सभाले यो ऐन बनाएको छ।
संक्षिप्त नाम र प्रारम्भ यस ऐनको नाम “घरेलु हिंसा (कसूर र सजाय) ऐन रहेको छ।,यो ऐन तुरुन्त प्रारम्भ हुनेछ ।
“घरेलु हिंसा” भन्नाले कुनै व्यक्तिले घरेलु सम्बन्ध भएको अर्को कुनै व्यक्तिलाई दिएको शारीरिक, मानसिक, यौनजन्य वा आर्थिक यातना सम्झनु पर्छ, “घरेलु सम्बन्ध” भन्नाले बंशज, विवाह वा धर्मपुत्र वा धर्मपुत्री भएको वा संयुक्त परिवारको सदस्य, आश्रित वा कामदारको रुपमा एकै परिवारमा बसेका व्यक्तिहरुका बीचमा भएको सम्बन्ध सम्झनु पर्छ।

आजको कार्यक्रमको प्रमुख अतिथि नेपाली कांग्रेसका बूथ इकाई समिति हरपतगंज २० का बूथ सभापति हरिचन्द्र यादवज् रहेका थिए भने बिशिस्ट अतिथि अरुण पूरी, अतिथि सुरेंद्र यादव, अध्यानंद मिश्र लगायत स्थानियहरूको उल्लेखनीय सहभागिता रहेको थियो भने आजको कार्यक्रमको संयोजक धिरज गुप्ता रहनु भएका थिए ।