काठमाडाैँ । ३३ किलो सुन तस्करी र मोरङका सनम शाक्यको हत्या मुद्दामा जिल्ला अदालत मोरङले चुडामणि उप्रेती गोरेलाई जन्मकैदको सजाय सुनाएको छ ।
आज मंगलबार न्यायाधीश भरत लम्सालको इजलासले गोरेलाई जन्मकैदको सजाय सुनाएको हो ।जिल्ला अदालत मोरङले अपराधिक समूह स्थापना र सञ्चालन गरी सुन चोरी पैठारी र चोरी निकासीको अवैध कारोबार, अपहरण तथा शरीर बन्धक र कर्तव्य ज्यान मुद्दाको बहस भएको थियो।

सरकारले २०७४ चैत ३० गते सहसचिव संयोजक ईश्वरीराज पौडेलको नेतृत्वमा उच्चस्तरीय छानिन समिति गठन गरेको थियो ।समितिले विमानस्थलबाट ३ हजार ८ सय किलो सुन तस्करी भएको तथ्य बाहिर ल्याएको थियो। यस्तो तस्करीमा प्रहरीदेखि व्यापारीसम्मको संलग्नता भएको समितिले निष्कर्ष निकाल्यो।समितिले सय दिन लामो अनुसन्धानपछि प्रहरीसहित ७५ जनालाई प्रतिवादी बनाएको थियो।