बीरगन्ज । बाराकाे जीतपुरसिमरा उपमहानगरपालिका १५ डुमरबाना नजिकै बेङाई पैनी बाँधमा पौडी खेल्ने क्रममा एकजनाको मृत्यु भएको छ ।
साथीहरुसँगै पौडी खेल्ने क्रममा सिमराका अन्दाजी ४० बर्षिय भगवान काजी कार्कीको मृत्यु भएको प्रहरीले जनाएको छ।
उक्त स्थानमा यसअघि समेत मानिसको मृत्यु भईसकेको छ । पौडी खेल्ले क्रममा स्कुले बालबालिकाको ज्यान गएपछि त्यस स्थानमा पौडी खेल्ल लामो समय रोक लगाईको थियो । पछिल्लो समय एकाएक पौडिखेल्न सुचारु भएपनि कसैले ध्यान दिएको थिएन ।
मृतक कार्की नेपाली सेनाका अवकास प्राप्त जवान भएको बुझिको छ । घटनाबारे अनुसन्धान भैरहेको प्रहरीले जनाएको छ ।
