वीरगन्ज | यो साता शेयर बजारमा निकै नै उतारचढाव देखियो । यस साता कारोबारको चार दिनमा नेपाल स्टक एक्सेन्च (नेप्से) परिसुचक कुनै दिन भारी अंकले बढ्यो त कुनै दिन भारी अंकको गिरावट संगै लगानीकर्ता मनोबल नै खलबलायो ।यस साता असोज ३ गते,आइतबार सरकारले संविधान दिवसको अवसरमा सार्वजनिक बिदा दिएको हुदाँ शेयर बजार बन्द रहेको थियो । चार दिन कारोबारको दौरानमा नेप्से परिसुचक साताको अन्तिम दिन भने थापिएको छ । गत साता २८१२.४२ को बिन्दुमा पुगेर बन्द भएको शेयर बजार यस साता भने ७.४ अंकले ओरालो लागेर २८१९.६६ को बिन्दुमा आएर थमिएको छ । यस साताभर नेप्सेमा ६ करोड ४ लाख ७३ हजार १६३ कित्ता कारोबार हुदाँ २९ अर्ब ७६ करोड ३७ लाख बराबरको शेयर कारोबार भएको हो  ।

साताको पहिलो कारोबारको दिन (सोमबार) नेप्से परिसुचक ४.०५ प्रतिशतले घटेको थियो । २८१२.४२ को बिन्दुबाट सुरु भएको शेयर कारोबार कारोबारको अन्तिम समयसम्म २६९८.२४ को बिन्दुमा पुगेर बन्द भएको हो । यस दिन नेप्सेमा ११४.०२ अंकको गिरावट आएको हो । सोमबार नेप्सेमा कारोबारमा आएका २२९ कम्पनीको १ करोड ७३ लाख ३० हजार ५३८ कित्ता शेयर खरिद बिक्री हुदाँ ८ अर्ब ४९ करोड ३४ लाख बराबरको शेयर कारोबार भएको हो । यस्तै, साताको दोस्रो कारोबारको दिन अर्थात मंगलबार नेप्से करिब १४ अंकले उकालो लागेको हो । मंगलबार नेप्से परिसुचक १३.८३ अंकले बढेर २७१२.०७ को बिन्दुमा पुगेको हो । सो दिन नेप्सेमा कारोबारमा आएका २२३ कम्पनीको १ करोड ५३ लाख ६ हजार ६१ कित्ता शेयर किनबेच हुदाँ ७ अर्ब ३६ करोड ४७ लाख बराबरको शेयर कारोबार भएको छ ।

बुधबार भने नेप्से २८ सयको बिन्दु तर्फ उकालो लागेको हो । यस दिन परिसुचक १०४.८८ अंक अर्थात ३.८७ प्रतिशतले बढेको हो । परिसुचक अन्तिम समयसम्म आइपुग्दाँ २८१६.९५ को बिन्दुमा पुगेर थामिएको हो । कारोबारमा आएका २१७ कम्पनीको १ करोड २१ लाख २२ हजार २९८ कित्ता शेयर खरिदबिक्री हुदाँ ६ अर्ब १७ करोड ९३ लाख बराबरको शेयर कारोबार भएको छ । यसैगरी, साताका्े अन्तिम कारोबारको दिन (बिहीबार) नेप्से परिसुचक सामान्य अंकले बढेको थियो । यस दिन परिसुचक २.७० अंकले बढेर २८१९.६६ को बिन्दुमा पुगेर कारोबार बन्द भएको हो । बिहीबार १ करोड ५७ लाख १४ हजार २६६ कित्ता शेयर खरिद बिक्री हुदाँ ७ अर्ब ७२ करोड ६३ लाख बराबरको शेयर कारोबार भएको हो । यस दिन नेप्सेमा २२८ कम्पनीको शेयर कारोबार भएको थियो ।