बारा । बारा जितपुरसिमरा उपमहानगरपालिका वडा नम्बर १ पुर्ब पश्चिम लोकमार्ग सडक खण्डको आधाभार जंगलमा सवारी दुर्घटना हुँदा ९ जना घाइते भएका छन् । जितपुरसिमरा उपमहानगरपालिका वडा नम्बर १ पुर्ब पश्चिम लोकमार्ग सडक खण्डको आधाभार जंगल स्थित काकडभिटाबाट नारायणघाट तर्फ जादै गरेको ना.६.ख.५०६ न.को बसले सडकको लेन बढी च्याप्दा बिपरित दिशा काठमाडौँ बाट सिम्रौनगढ आउँदै गरेको ना.८.ख.४४०६ न.को बस अनियन्त्रित भई सडकको बायाँ साइडमा पल्टदा दुर्घटना भएको हो ।
घाइते सबैको उपचार नारायणी उपक्षेत्रीय अस्पताल बिरगञ्जमा भईरहेको प्रहरी नायब उपरीक्षक मिश्रले बताए ।दुर्घटनामा परि बसमा सवार ३२ जना मध्ये ९ जना घाईते भएको जिल्ला प्रहरी कार्यालय बाराका प्रब्क्ता प्रहरी नायब उपरीक्षक गौतम मिश्रले बताए । घाइते मध्ये ४ को अवस्था मध्यम र ५ जनाको अवस्था सामान्य रहेकोे छ ।
घाइते हुनेमा पचरौता नगरपालिका वडा नम्बर ९ बस्ने जगदिश मुखिया, सिम्रौनगढ नगरपालिका वडा नम्बर ४ बस्ने देवाल प्रसाद यादव, कलैया उपमहानगरपालिका वडा नम्बर १५ बकुलहर बस्ने हरिन्द्र सहन , पटरहटि बस्ने जलेश्वर सहनी, सिम्रौनगण नगरपालिका बस्ने मैरुनेशा खातुन, पचरौता नगरपालिका वडा नम्बर ९ बस्ने पुनम मुखिया, सोही ठाउँ बस्ने बिकाश कुमार यादव, सिम्रौनगढ नगरपालिका ४ बस्ने अजय यादव, सोही ठाउँ बस्ने संजित प्रसाद यादव रहेका छन् ।
