वीरगञ्ज। नेपालमा सोमबार थप ३ हजार ४ सय ५१ जनामा कोरोना संक्रमण पुष्टि भएको छ ।देशभर गरिएको १० हजार ९३ पीसीआर परीक्षणका क्रममा २ हजार ५ सय ६६ र ५ हजार ५ सय १८ एन्टीजेन परीक्षणका क्रममा ८८५ जनामा कोरोना पुष्टि भएको स्वास्थ्य मन्त्रालयले जनाएको छ । योसँगै नेपालमा कोरोना संक्रमितको संख्या ८ लाख १० हजार ८ सय ५३ पुगेको छ ।

त्यस्तै कोरोना कारण थप ३५ जनाको मृत्यु भएको छ । योसँगै नेपालमा कोरोनाका कारण १० हजा ३२७ जनाको मृत्यु भएको छ । त्यस्तै थप २ हजार ४ सय ५८ संक्रमित कोरोनामुक्त हुँदा हालसम्म नेपालमा ६ लाख ८५ हजार १४० जना कोरोनामुक्त भएका छन् ।

हाल नेपालमा ३९ हजार ३७१ सक्रिय संक्रमित आइसोलेसन र ४०२ जना क्वारेन्टाइनमा छन् । हालसम्म नेपालमा ३७ लाख ६७ हजार ६६५ वटा पीसीआर र ४ लाख १ हजार ३ सय ७१ वटा एन्टीजेन परीक्षण गरिएको मन्त्रालयले जनाएको छ ।