वीरगन्ज  । नेपाल बार एसोसिएसन पर्साले नेपाल पत्रकार महासंघ पर्साको नवनिर्वाचित समितीलाई एक कार्यक्रमका सम्मान गरेको छ ।शनिवार नेपाल बार एसोसिएसनको सभाहलमा आयोजित कार्यक्रममा नेपाल पत्रकार महासंघ पर्सा शाखामा निर्वाचित पदाधिकारी र सदस्यहरुलाई सम्मान गरेको हो ।सम्मान कार्यक्रमका प्रमुख अतिथि नेपाल पत्रकार महासंघ पर्साका अध्यक्ष अनुप तिवारीले नेपाल पत्रकार महासङ्ह पर्सा शाखामा निर्वाचित पदाधिकारी र सदस्यहरुलाई सम्मान गरेको बारलाई धन्यवाद ज्ञापन गरेका थिए ।

उनले अगामी दिनमा नागरिक उतरदायी दुबै संस्था बार एशोसिएसन र पत्रकार महासंघ बीचको सम्बन्ध सुमधुर बनाएर अगाडि बढने बताए । लोकतन्त्र प्राप्तीको अभियान देखि जनताको पक्षका हरेक सवालमा बार र महासंघ संयुक्त रूपमा कार्य गर्दै आएको बताउदै तिवारीले पर्सामा पनि जनपक्षिय मुद्दामा दुबै संस्था साझेदारी गर्ने आवश्यक रहेको बताए ।

अहिले करको भारले जनता मारमा परेको विभिन्न उदाहरण देखाउदै कानुन व्यवसायी एव बारका पूर्व अध्यक्ष सालिग्राम प्रसादले सो तर्फ वकिल र पत्रकार मिलेर जनतालाई राहत दिन तर्फ अगाडि बढने आग्रह गर्नु भयो ।नेपाल बार एसोसिएसन पर्साका अध्यक्ष ओमप्रकाश गुप्ताको अध्यक्षतामा भएको कार्यक्रममा वरिष्ठ अधिवक्ता सालिग्राम प्रसाद ,अधिवक्ता रामेश्वर सेढाई , बिरेन्द्र यादव , रामनारायण कुर्मी लगायतका पत्रकारहरुको उपस्थिती रहेको थियो ।