वीरगञ्ज । पर्साको पोखरिया नगरपालिकामा निःशूल्क आँखा शिविर सम्पन्न भएको छ । पोखरिया युवा क्लबद्वारा आयोजित शिविरमा २ सय ५६ जनाले आँखा परीक्षण गराएका थिए । वीरगञ्ज दृष्टि आँखा अस्पतालको प्राविधिक सहयोगमा सम्पन्न शिविरमा परीक्षण गराएकामध्ये १ सय ५० जनामा मोतियाबिन्दुको लक्ष्ण देखिएको अस्पतालका नेत्र चिकित्सक डा. मुकेश यादवले जानकारी दिए ।

डा. यादवका अनुसार तिमध्ये ९० जना शल्यक्रियाको लागि तयार भएका छन् । क्लबका अध्यक्ष अफरोज आलमको नेतृत्वमा गरिएको शिविरमा डा. यादवका सहयोगी सञ्ज्य चौधरी, अनिल साह, आराधना चौधरी लगायतले परीक्षणमा सहजिकरण गरेका थिए ।

निःशूल्क शिविरबाट विशेष गरी कमजोर आर्थीक अवस्थाका कारण आँखा परीक्षण गर्न नसकेका र परीक्षणकै लागि वीरगञ्ज आउन नसकेका ग्रामिण क्षेत्रका बासिन्दाहरु लाभान्वीत भएका छन् । पोखरिया अस्पतालको भवनमा भएको शिविरमा झरीका बिच पनि उल्लेख्य उपस्थिती रहेको क्लबका अध्यक्ष आलमले बताए ।