वीरगञ्ज | वीरगञ्जमा जथाभावी पार्किंग गरिएका सवारीलाई कारवाही गर्न वीरगञ्ज महानगरपालिकाले जिल्ला ट्राफिक प्रहरी कार्यालय पर्सालाई ह्वील लक हस्तान्तरण गरेको छ ।

अव्यवस्थित रुपमा जथाभावी सवारी साधन पार्किंग गर्नेहरुलाई कारवाही गर्न वीरगञ्ज महानगरपालिकाका नगरप्रमुख विजय कुमार सरावगीले ट्राफिक प्रहरीलाई १५ थान ह्वील लक हस्तान्तरण गरेका हुन् ।वीरगञ्जको अस्तव्यस्त ट्राफिकलाई व्यवस्थित बनाउन सबैभन्दा महत्वपूर्ण जिम्मेवारी नागरिकको भएको नगरप्रमुख सरावगीले बताए ।

नागरिक आफैले ट्राफिक नियमको पालना गरेर पार्किंग स्थलमै सवारी पार्किंग गरेमात्रै ट्राफिक व्यवस्थित हुने सरावगीको भनाई छ ।नागरिकलाई ट्राफिक नियमको पालना गराउन ट्राफिक प्रहरीको प्रयास केही हदसम्म सफल भएपनि नागरिकले अटेरी गर्दा अपेक्षाअनुरुप हुन नसकिरहेको सरावगीले स्विकार गरे ।