काठमाडौं | गैरआवासीय नेपाली संघ (एनआरएनए) को नवौ विश्व सम्मेलन मंगलबारदेखि राजधानीमा सुरु हुँदैछ।  एनआरएनएले सोमबार बालुवाटारस्थित केन्द्रीय कार्यालयमा पत्रकार सम्मेलन गरेर यसबारे जानकारी दिएको हो।

एनआरएनएले नवौँ सम्मेलनमा विश्वका ८१ मुलुकबाट २ हजार ५ सय जना प्रतिनिधि सहभागी हुने जानकारी दिएको छ । ‘म, मेरो एनआरएनए र मेरो नेपाल’ मूल नारासहित यो पटकको सम्मेलन हुँदैछ। सन् २००३ मा स्थापना भएको गैर आवासीय नेपालीहरुको यो संगठनको नेतृत्वका लागि यो पटक कुल आचार्य र कुमार पन्त चुनावी मैदानमा छन्। अघिल्लो पटक निर्वाचित भवन भट्टले एकै कार्यकालमा नेतृत्व हस्तान्तरण गर्दैछन्।