वीरगन्ज । वीरगञ्ज महानगरपालिका वडा नम्बर १६ नगवास्थित श्री नेपाल राष्ट्रिय माद्यामिक विद्यालयको नवनिर्मित ४ कोठे भवनको नगरप्रमुख विजय कुमार सरावगीले उद्घाटन गरेका छन् ।संघीय सरकारको सशर्त अनुदानअन्र्तगत ३६ लाखको लागतमा निर्मित चार कोठे भवनको उद्घाटन गर्दै नगरप्रमुख सरावगीले शैक्षिक क्षेत्रको विकास बिना समाज र समाजका नागरिकको विकास नहुने बताए ।

भौतीक पूर्वाधार एवम् संरचनाको अभावमा शिक्षाको स्तर बृद्धि नहुने बताउँदै नगरप्रमुख सरावगीले महानगरपालिकाले शिक्षालाई प्राथमिकतामा राखेको बताए ।विद्यालय व्यावस्थापन समितीका अध्यक्ष अरुण यादवको अध्यक्षतामा भएको कार्यक्रममा वीरगञ्ज महानगरपालिकाका शैक्षिक प्रशासन महाशाखा प्रमुख अरविन्दलाल कर्ण, प्रधानाध्यापक गोपाल प्रसाद महतो, जनता समाजवादी पार्टी (जसपा) पर्साका सचिब तबरेज अहमद, युवा नेता ओमप्रकाश सर्राफ लगायतको उपस्थिती रहेको नगरप्रमुख सरावगीका स्वकिय सचिब पिन्टु उपाध्यायले जानकारी दिए ।

सोही अवस्थामा नगर प्रमुख सरावगीले विद्यालयमा अध्ययनरत ४६ जना छात्राहरुलाई साईकल समेत वितरण गरेको विद्यालयका प्रधानाध्यापक महतोले बताए ।सैगरी वीरगञ्जको आदर्शनगरस्थित स्विमिंग पुलनजिक रहेको एक विद्यालयमा पनि २ कोठे भवनको उद्घाटन गरेका छन् ।शुरुमा जनजाती विद्यालयको रुपमा रहेको विद्यालयलाई महानगरको स्वामित्वमा लिएर वीरगञ्ज महानगरपालिका आधारभुत विद्यालय नामाकरण गरिएको विद्यालयमा १५ लाखको लागतमा निर्मित २ कोठे भवनको नगरप्रमुख सरावगीले बुधवार एक कार्यक्रमका बिच उद्घाटन गरेका हुन् ।