मलेसिया | मलेसियाको क्वालालम्पुर–काठमाडौँ उडान सुचारु भएको छ । मन्त्रिपरिषद्को निर्णयअनुसार हप्तामा दुई वटा नेपाली एयरलाइन्स र दुईवटा मलेसियाका एयरलाइन्सका गरी चारवटा उडान गर्ने गरी तय गरिएको क्वालालम्पुरस्थित नेपाली दूतावासले जनाएको छ ।

दूतावासका अनुसार नेपाल पुग्ने समयले ७२ घण्टाभित्र कोभिड–१९ परीक्षण गरेको फोटो एवं बारकोडरसहितको पिसिआर नेगेटिभ रिपोर्ट देखाउनुपर्नेछ भने विदेशबाट नेपाल आगमन हुने यात्रुहरूको व्यवस्थापन सम्बन्धी सम्पूर्ण नियम पालना गर्नुपर्नेछ ।

जसका लागि ७ दिनको क्वारेन्टिन सहितको होटेल बुकिङ गर्नुपर्नेछ । यस्तै नेपाल जाने टिकट कन्फर्म गर्नु पूर्व आफूसँग भएका कागजातहरू (राहदानी–ट्राभल डकुमेन्ट,भिसा, चेक आउट मेमो) को मान्य अवधि ख्याल गर्न पनि दूतावासले अनुरोध गरेको छ ।