वीरगन्ज । बर्दियाका ३८ वर्षीय लक्षिराम थारुको कुटपिटबाट मृत्यु भएको छ। बर्दियाको मधुवन नगरपालिका–४ बादभरिया बस्ने लक्षिरामको हत्याको आरोपमा पत्नी सीता र छोरालाई पक्राउ गरिएको केन्द्रीय प्रहरी समाचार कक्षले जनाएको छ।

घरायसी विवादमा पत्नी र छोराले कुटपिट गर्दा गम्भीर घाइते भएका लक्षिरामको जिल्ला अस्पताल गुलरियामा उपचारका क्रममा मृत्यु भएको थियो। इलाका प्रहरी कार्यालय ढोढरीबाट खटिएको प्रहरीले कुटपिटमा संलग्न दुवैजनाई पक्राउ गरेको छ। यस सम्बन्धमा प्रहरीले थप अनुसन्धान भइरहेको जनाएको छ।