वीरगंज। नेपालमा पछिल्लो २४ घण्टामा २ हजार ४२१ जना कोरो संक्रमित थपिएका छन् । पीसीआरबाट ७ हजार ४६१ र एन्टिजेनबाट ४ हजार ९५३ गरी कुल १२ हजार ४१५ जनाको परीक्षण गर्दा २ हजार ४२१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

बुधबार थपिएका संक्रमितमध्ये काठमाडौंमा ३४६ जना, ललितपुरमा ९४ र भक्तपुरमा ५७ जना गरी उपत्यकामा कुल ४९७ जना रहेका छन् । हाल देशभर सक्रिय संक्रमित ५० हजार ५२० जना रहेका छन् ।

सक्रिय संक्रमितमध्ये संस्थागत आइसोलेशनमा ३ हजार २३४ जना रहँदा अरु संक्रमित होम आइसोलेशनमा रहेको मन्त्रालयले जनाएको छ ।

यस्तै, बुधबार ३ हजार ५५८ जना संक्रमणमुक्त भएका छन् भने पछिल्लो तथ्यांकअनुसार ८१ जना मृतक थपिएको स्वास्थ्य तथा जनसंख्या मन्त्रालयले जनाएको छ । ५२ जनाको पछिल्लो २४ घण्टामा मृत्यु भएको र अरु प्राप्त हुन बाँकी तथ्यांक सहित बुधबार ८१ जना थपिएका हुन् ।