बीरगन्ज। भारतमा रतमा बिहीवार बीएसएफले एक चिनियाँ नागरिकलाई गैरकानूनी रूपमा बंगलादेशबाट भारत पस्न लाग्दा पक्राउ गरेको छ । ती चिनियाँ नागरिक पश्चिम बंगालको मालदामा आउँदा पक्राउ परेका हुन् । बीएसएफ, प्रहरी र गुप्तचर संस्थाहरूले ती चिनियाँ नागरिकलाई कडा केरकार गरेका छन् ।

क्राउ परेका चिनियाँ नागरिक हान जुनवई हुन् र उनी चीनको खबे प्रान्तमा बस्छन् । उनीसँग फेब्रुअरी महिनामा जारी चिनियाँ पासपोर्ट फेला परेको छ । पासपोर्टमा बंगलादेशको भिसा छ । गैरकानूनी रूपमा भारत प्रवेश गर्नुको उद्देश्य के हो भनी उनीसँग सोधपुछ गरिँदैछ । उनीबाट सन्तोषजनक उत्तर आएको छैन ।

उनीसँग भएको विद्युतीय सरसामानमार्फत उनी चीनको कुन गुप्तचर संस्थाका लागि काम गर्छन् भन्ने पत्ता लगाउन खोजिँदैछ । उनी जासूस भएको चाहिँ पुष्टि भइसकेको छ ।उनीबाट चिनियाँ राहदानी, एप्पल ल्यापटप, दुईवटा आईफोन, एउटा बंगलादेशी सिम, एउटा भारतीय सिम, दुईवटा चिनियाँ सिम, दुईवटा पेनड्राइभ, तीनवटा ब्याट्री, दुईवटा साना टर्च, विभिन्न देशका मुद्रा लगाउतका कुरा फेला परेका छन् ।