वीरगञ्ज । प्रदेश सरकारमा सत्ता समीकरण परिवर्तनका लागि सरकार पक्ष र नेपाली काङ्ग्रेस बीच पहिलो चरणको वार्ता सम्पन्न भएको छ ।वार्तामा नेपाली काङ्ग्रेसले सरकारमा सहभागी हुन् ५० प्रतीसत मन्त्रलाय माग गरेको बुझिएको छ ।
महन्थ ठाकुर पक्षधर १ मन्त्री र ३ राज्यमन्त्री हटाएलगतै पार्टी अध्यक्ष उपेन्द्र यादव र मुख्यमन्त्री लालबाबु राउतले नेपाली काङ्ग्रेस र माओवादी केन्द्रलाई सरकारमा सहभागी गराउन छलफल अगाडी बढाएका छन् ।
पहिलो चरणको छलफलमा मन्त्रालय टुक्र्याए र सत्ता साझेदारीका लागि मन्त्रालय बाँडफाँटका सन्दर्भमा छलफल भएको नेपाली काङ्ग्रेसका प्रदेशसभा सदस्य ओमप्रकाश शर्माले जानकारी दिए । उनले सरकारमा सहभागी हुन् काङ्ग्रेसले राजपसँग भएको सत्ता समीकरण अनुसार ५० प्रतिशत मन्त्रालय माग गरेको बताए ।मन्त्रालय टुक्र्याउने र कती वटा मन्त्रालय नेपाली काङ्ग्रेसलाई दिने बारे टुङ्गोमा सरकार पक्ष आज साँझासम्म पुग्ने जनाइएको छ ।प्रदेश सरकारले नीति तथा कार्यक्रम ल्याउनुअघि नै मन्त्रीमण्डल पुनर्गठनको तयारी छ ।
