बिरगंज।स्वास्थ्य तथा जनसंख्या मन्त्रालयले आइतबार कोरोना भाइरसको संक्रमणको पछिल्लो तथ्यांक सार्वजनिक गर्दै नेपालमा उमेर समुह अनुसार ज्यान गुमाउने संक्रमितको संख्या सार्वजनिक गरेको छ ।

उक्त तथ्यांक अनुसार नेपालमा हालसम्म ७ हजार ८ सय ९८ संक्रमितको दुखद निधन भैसकेको छ ।उक्त तथ्यांकमा जनाइए अनुसार नेपालमा ६० वर्षभन्दा माथि उमेर समुहका धेरै संक्रमितको निधन भएको छ ।

नेपालमा हालसम्म ६० तथा ६० वर्षभन्दा माथिका ४ हजार २ सय १६ जना संक्रमितको निधन भएको छ ।५० देखि ५९ वर्ष उमेर समुहका १५ सय ६४ जना संक्रमितको निधन भएको छ भने ४० देखि ४९ वर्ष उमेर समुहका ११ सय ६१ जनाको दुखद निधन भएको छ ।त्यस्तै ३० देखि ३९ वर्ष उमेर समुहका ६ सय ५९ जनाको निधन भएको छ ।

त्यस्तै २० देखि २९ वर्ष उमेर समुहका २ सय २५ जना संक्रमितको निधन भएको छ भने १० देखि १९ वर्ष उमेर समुहका ३७ जना संक्रमितको निधन भएको छ ।नौ वर्षसम्मका ३५ जना संक्रमित बालबालिकाको समेत दुखद निधन भएको मन्त्रालयले जनाएको छ ।