वीरगञ्ज ।पर्सामा ९ जना कोरोना संक्रमण पुष्टि भएको हो । पछिल्लो २४ घण्टामा पर्सा जिल्लाका ९ जनामा कोरोना भाइरसको संक्रमण पुष्टि भएको छ ।पर्सा जिल्लाका विभिन्न स्थानबाट संकलित ९६ जनाको थ्रोट स्वाबको नमुना वीरगञ्जस्थित नारायणी अस्पतालको पिसिआर प्रयोगशालामा गरिएको परीक्षणमा पर्साका ९, बाराका ५, रौतहटका २ र सर्लाहीका १ जना गरी १७ जनामा संक्रमण पुष्टि भएको हो ।

३ जनामहिलासहित थपिएका संक्रमितहरुको सिटि भ्यालु १६.७ देखि ३५.५ सम्म रहेको नारायणी अस्पतालका कोभिड फोकल पर्सन डा. सरोज रोशन दासले जानकारी दिए ।

डा. दासका अनुसार थपिएका संक्रमितहरु १७ देखि ६१ वर्ष उमेतर समूहका रहेका छन् ।त्यसैगरी आइतवार वीरगञ्जमा २ जना कोरोना संक्रमितको मृत्यु भएको छ । वीरगञ्जको गण्डकस्थित नारायणी वयोद्या अस्पतालमा बाराको फेटा गाउँपालिका वडा नम्बर ५ निवासी ७० वर्षीय बृद्धको मृत्यु भएको छ । वीरगञ्ज मेट्रोसिटि अस्पतालबाट रेफर भएका आएका ति बृद्धको आइतवार दिउँसो ३ बजेर १० मिनेटमा नारायणी वयोद्याको इमरजेन्सी रुममा मृत्यु भएको हो ।आइतवार नै सर्लाहीको हजरीया १ निवासी ६० वर्षीय बृद्धको पनि मृत्यु भएको छ । जेठ १५ गते कोरोना संक्रमण पुष्टि भएपछि सोही दिन नारायणी अस्पतालमा भर्ना भएका उनी गम्भिर किसिमको निमोनियाबाट समेत ग्रसित थिए ।