वीरगञ्ज।कृष्णाकुशवाहा । पर्सा जिल्लाको पोखरिया नगरपालिकाको वडा नम्बर ७ रानिगंजमा बजार सेड निर्माणको शिलान्यास गरिएको छ ।नगरपालिकाको वडा न. ७ रानिगंजमा १९ लाख ४० हजारको लागतमा निर्माण हुने बजार सेडको आज एक कार्यक्रमका बिच प्रदेश सांसद प्रहलाद गिरिले शिलान्यास गरेका हुन् । प्रदेश सांसद गिरीको पहलमा प्रदेश सरकारको कृषि मन्त्रालयबाट बजार सेडकोलागी बजेट निकाशा गरिएको छ ।

बजार सेडको शिलान्यास गर्दै प्रदेश सांसद गिरीले बजार सेड निर्माण सम्पन्न भएसँगै सो क्षेत्रका स्थानीयहरुलाई बजार लगाऊँन सहज हुने विश्वास व्यक्त गरे । उक्त बजार सेड निर्माणको महादेव बाबा कृषि सहकारी संस्था सम्पन्न गर्ने गरी ठेका लिएको छ।

प्रदेश सरकार कृषि बिकाश मन्त्रालय अन्तरगत कृषि बिकास निर्देशनालय नकटाझिल को आर्थिक सहयोगमा निर्माण हुने बजार सेडको शिलन्याश कार्यक्रममा वडा अध्यक्ष नन्दलाल पटेल , नेता जोगिंद्र कर्मी , बिध्याचल ठाकुर , ख़लील मियाँलगायत स्थानीयहरूको उपस्तिथि रहेको थियो।