वीरगन्ज ।चीनको राष्ट्रिय स्वास्थ्य आयोगले पूर्वी भागमा रहेको जियाङ्सु प्रान्तमा बर्ड फ्लु मानिसमा संक्रमित भएको पहिलो केस फेला पारेको मंगलवार जनाएको छ । आफ्नो वेबसाइटमा आयोगले एच१०एन३ स्ट्रेनको पहिलो मानव संक्रमणको केस पुष्टि गरेको हो ।

४१ वर्षका पुरुष चनच्याङ शहरमा बस्छन् । उनलाई कुखुराबाट उक्त संक्रमण भएको हो ।क्रमण फैलिने जोखिम एकदमै कम भएको स्वास्थ्य आयोगले जनाएको छ । संसारमा यसअघि एच१०एन३ को मानव संक्रमण नभेटिएको उसले जानकारी दिएको छ ।

चाइनिज सेन्टर फर डिजीज कन्ट्रोल यान्ड प्रिभेन्सनले रोगीको रगतमा जिनोम सिक्वेन्स गराउँदा उनमा एच१०एन३ भाइरस पाएको हो । स्थानीय अधिकारीहरूले रोगीको सम्पर्कमा आएकाहरूलाई ट्रेस गरेका छन् र स्वास्थ्य निगरानीमा राखेका छन् ।