बीरगन्ज | बीरगन्जमा गरिएको पछिल्लो परिक्षणमा १०६ जनामा कोरोनाको संक्रमण पुष्टि भएको छ ।बीरगन्जस्थित नारायणी अस्पतालमा मंगलबार गरिएको परिक्षमा पर्साका ७७ जनासहित १०६ जनामा कोरोनाको संक्रमण पुष्टि भएको अस्पतालका कोभिड संयोजक डा. सरोजरोशन दासले जानकारी दिए ।

अस्पतालकोे प्रयोशालामा विभिन्न स्थानबाट आएका २ सय ८८ जनाको थ्रोट स्वाबलाई परिक्षण गर्दा २५ महिलासहित १ सय ६ जनामा सङ्क्रमण पुष्टि भएको हो ।

थप संक्रमितहरुमा बाराका १५, रौतहटका ६ र सर्लाहीका ८ जनामा पनि सङ्क्रमण देखिएको डा. दासले जानकारी दिए ।थपिएका सङ्क्रमितहरुको उमेर डेढ वर्षदेखि ७५ वर्षसम्म रहेको र उनीहरुको सिटी भ्यालु १५ देखि ३५ सम्म रहेको डा. दासले बताए ।