भारत | भारतमा पछिल्लो २४ घण्टामा ३ लाख १० हजार ५८० जनामा कोरोना पुष्टि भएको छ । यो आँकडा पछिल्लो २५ दिनको सबैभन्दा कम हो । यसअघि ३० अप्रिलमा दुई लाख इ४ हजार ३७८ नयाँ संक्रमितको पहिचान भएको थियो ।

यद्यपि, मृत्युको आँकडा अहिले पनि चिन्ताको विषय बनेको छ । भारतमा शनिबार कोरोनाका कारण ४,०७५ जनाको ज्यान गएको छ ।

राहतको कुरा के छ भने कोरोनाबाट निको हुनेको संख्या लगातार बढिरहेको छ । शनिबार कूल ३ लाख ६२ हजार ३६७ जनाले कोरोना जितेका छन् । यसरी सक्रिय संक्रमित अर्थात् उपचार गराइरहेका बिरामीको संख्या ५५,९३१ को कमी भयो ।

भारतमा कोरोना महामारी आँकडामाः

पछिल्लो २४ घण्टामा कूल भेटिएका संक्रमितः ३.१० लाख

पछिल्लो २४ घण्टामा कूल मृत्युः ४,०७५

पछिल्लो २४ घण्टामा कूल निको भएकाः ३.६२ लाख

हालसम्म कूल संक्रमित भइसकेकाः २.४६ करोड

हालसम्म निको भएकाः २.०७ करोड

हालसम्म कूल मृत्युः २.७० लाख

हाल उपचार गराइरहेका बिरामीको कूल संख्याः ३६.१३ लाख