वीरगन्ज । जनता समाजवादी पार्टी (जसपा)को संसदीय दलको नेतामा राजेन्द्र महतो चयन भएका छन् ।पार्टी अध्यक्ष महन्थ ठाकुर-वरिष्ठ नेता राजेन्द्र महतो पक्षले महतोलाई संसदीय दलको नेता चुनेको हो ।

बिहीवार नै जसपाका २० जना सांसदको बैठकले महतोलाई दलको नेताका रूपमा चयन गरेको एक सांसदले लोकान्तरलाई जानकारी दिए ।

‘हिजो बसेको बैठकबाट नै दलको नेतामा बहुमत सांसदको उपस्थितिमा हामीले महतोलाई चयन गरेका छौं,’ ती सांसदले भने, ‘तर, संसद् सचिवालयमा उक्त पत्र दर्ता नहुञ्जेलसम्म बाहिर नल्याउने कुरा भएको थियो ।’