बीरगंज।पर्साको पकहामैनपुर गाउँपालिका वडा नम्बर ३ को पकहामैनपुरमा नेकपा एमालेका युवा नेता अकलेश साहको सक्रियतामा आज तेस्रो दिन पनि निशुल्क माक्स वितरण तथा जनचेतनामूलक कार्यक्रम सम्पन्न भएको छ । पकहामैनपुर गाँउपालिकाको सहयोग तथा समाज परीवर्तन नेपाल मुर्ली कल्ब र वीरगंज केयर क्लबको सँयुक्त आयोजनामा वडा नं ३ पकहामैनपुरमा १ हजार माक्स बितरण एवं कोरोना बारे जनचेतना कार्यक्रम गरिएको हो नेता साहले बताए । दोस्रो लहरको कोरोना भाइरस सङ्क्रमण तिब्र गतिमा समुदायमा फैलिरहेको बेला कोरोना भाइरसको प्रभावलाई रोकथाम गर्ने प्रयास तथा सङ्क्रमणबाट जोगिन स्वरुप कार्यक्रम गरिएको नेता साहले बताए ।अत्यावश्यक काम बाहेक बाहिर घुम्न नजाने यदि बाहिर जानै परेमा स्वास्थ्य मापदण्ड अपनाएर जान तथा भीडभाड हुने कार्य जस्तो काम नगर्न अनुरोध समेत नेता साहले गरेका हुन् । कार्यक्रममा वीरगंज केयर क्लबको अध्यक्ष भगवान लाल पटेल ,सदस्य सुमित पटेल, स्थानिय युवा दिनेश साह , सशस्त्र प्रहरी बल पकहामैनपुरका श्याम प्रसाद लिगल , लक्षमण खड्का, हेमचन्द्र यादव,सुरक्षा प्रहरी बेश क्याम्प सूर्जहाकट्टीका असई, प्रहरी जवान लगायत उपस्थिती रहेको थियो ।