वीरगंज । प्रदेश नम्बर २ र बाग्मती प्रदेश स्तरीय नेपाली सेना भूतपूर्व सैनिक सम्मेलन २०७७ महोत्तरीमा सम्पन्न भएको छ ।सैनिक कल्याणकारी बोर्डको संयोजकत्व तथा नेपाली सेनाको व्यवस्थापनमा प्रदेश नं. २ र बाग्मती प्रदेशका भूतपूर्व सैनिक र निवृत्तभरणमा रहेका परिवारजनको सहभागितामामा कार्यक्रम सम्पन्न भएको हो ।
महोत्तरीको मध्य पूर्वी पृतना हे.क्वा.मा आयोजना भएको कार्यक्रमको नारा शिक्षा, स्वास्थ्य, सुविधा र स्वरोजगार-आत्म सम्मान तथा समृद्धिको आधार थियो ।
कार्यक्रम राष्ट्रिय गान, विरगति प्राप्त गर्नेहरुको सम्झनामा मौनधारण, कल्याणकारी बोर्डका कार्यकारी अधिकृतबाट स्वागत मन्तव्य तथा प्रधान सेनापतिबाट दीप प्रज्वलन गरी कार्यक्रमको सुरुवात भएको थियो ।
कार्यक्रममा प्रदेश नं २ को ५ र बाग्मती प्रदेशको ५ गरि जाम्मा १० वटा जिल्लाहरुमा बसोबास गर्ने ७३१७ जना नेपाली सेनाका भूतपूर्व सैनिक तथा परिवारजनको सहभागिता रहेको बताइएको छ ।
उक्त सम्मेलानलाई प्रधानसेनापति पूर्णचन्द्र थापाले सम्बोेधन गर्दै सेनाको संस्थागत मूल्य र मान्यताहरुलाई जीवन्त राख्न अवकाश प्राप्त अग्रज सैनिकहरूले गरेको निःस्वार्थ सेवा तथा भूमिकाको प्रशंसा गर्नुभयो । साथै उहाँले भू.पू. तथा बहालवाला सैनिकहरुबीच सामिप्यता बढाउन महत्वपूर्ण भूमिका खेल्नुका पर्ने बताउनु भयो ।
सैनिक कल्याणकारी कोषका हित अधिकारीहरुले पिरमार्का सम्बोधन तथा व्यवस्थापनको लागि उत्तम रुपमा प्रभवकारी रहेको उहाँले सम्बोधनको क्रममा बताउनु भयो ।
