वीरगंज संजालवीरगञ्ज । पर्साको पर्सागढी नगरपालिकामा एक जना महिलामाथि छुरा प्रहार भएको । पर्सागढी नगरपालिका वडा नम्बर ३ पकडिया बडनिहारस्थित मुसहर टोलमा बस्दै आएकी ४० वर्षीय लक्ष्मिनिया देवी चौधरीमाथि आइतबार बिहान छुरा प्रहार भएको हो ।बिहान ३ बजेको समयमा २-३ जनाको समूहले चौधरीमाथि छुरा प्रहार गरेको थियो । आक्रमणपछि चौधरीले सहयोगका लागि कराएर गुहार लगाएपछि आक्रमणकारीहरु फरार भएका थिए ।
चौधरीको छाती, टाउको र पाखुरालगायत शरीरका विभिन्न भागमा छुरा प्रहार भएको जिल्ला प्रहरी कार्यालय पर्साले जनाएको छ । उनको अहिले वीरगञ्जको पानि ट्याङ्कीस्थित एल नियुरो अस्पतालमा उपचार चलिरहेको पर्सा प्रहरीका प्रवक्ता एवम् प्रहरी नायव उपरीक्षक (डीएसपी) ओमप्रकाश खनालले जानकारी दिए । उनको अवस्था अहिले सामान्य छ ।
‘उनिमाथि कुनै धारिलो बस्तुले आक्रमण गरिएको छ,’ डिएसपी खनालले भने, ‘छुरा नै प्रहार गरिएको भन्ने अहिलेसम्म पुष्टि हुनसकेको छैन । हामी अनुसन्धान गर्दै छौँ ।’चौधरीमाथि छुरा प्रहार गरेको आरोपमा प्रहरीले दुई जना व्यक्तिलाई पक्राउ गरेको छ । पक्राउ पर्नेमा एकजना १७ वर्षीय बालकसमेत रहेको डिएसपी खनालले बताए ।घटनाको अहिले अनुसन्धान चलिरहेको र पिडितसँग बयान लिन बाकिरहेकोले आरोपीहरुको पहिचान खुलाउँन नमिल्ने खनालले बताए । चौधरी आफ्नो घरमा एक्लै बस्दै आएकी छन् ।
