वीरगञ्ज । लागू औषध गाजा सहित एक जना पक्राउ परेका छन् ।आज जिल्ला प्रहरी कार्यालय पर्साले जानकारी गराएको अनुसार वीरगञ्जबाट ३ किलोग्राम लागु औषध गाँजासहित १ युवकलाई प्रहरीले पक्राउ गरेको छ ।

विशेष सूचनाको आधारमा खटिएको प्रहरीले वीरगञ्ज महानगरपालिका वडा नम्बर ११ मा शङ्का लागी चेकजाँचको क्रममा उक्त परिमाणको गाँजा प्रहरीले बरामद गरेको हो ।

ना.४६ प ५३२९ नम्बरको मोटरसाइकलमा सवार वीरगञ्ज महानगरपालिका वडा नम्बर १८ बस्ने १९ वर्षीय प्रिन्स पटेलको साथबाट प्रहरीले गाँजा फेला पारेको हो ।

पटेलले बोकेको कालो रङ्गको झोलामा ३ केजी गाँजा फेला परेपछि निजलाई मोटरसाइकल र गाँजासहित नियन्त्रणमा लिई लागूऔषध मुद्धामा आवश्यक अनुसन्धान अगाडी बढाइएको पर्साका प्रहरी प्रबक्ता ओमप्रकाश खनालले बताए ।