वीरगञ्ज । ट्रान्सपोर्ट एशोसिएशन वीरगञ्जको अध्यक्षमा बालकृष्ण पोखरेल निर्विरोध विजयी भएका छन् ।चितवनको सौराहामा शनिबार सम्पन्न ७ औँ जिल्ला अधिवेशनमा पोखरेलको प्यानलनै निर्विरोध निर्वाचित भएको हो ।अर्को पक्ष्ँबाट उम्मेदवारी दर्ता नभएपछि पोखरेलको प्यानल निर्विरोध निर्वाचित भएको निर्वाचन अधिकृतको कार्यालयले जनाएको छ ।

अर्को पक्षका केही सदस्यले निर्वाचन प्रक्रिया बहिष्कार गरेपनि पोखरेल प्यानलको पक्षमा दुई तिहाई भन्दा बढी बहुमत सदस्यको साथ रहेको थियो ।ध्यक्षमा पोखरेलसँगै उपाध्यक्षमा प्रविण कुमार कर्ण, सचिवमा नवराज अधिकारी, सहसचिवमा राजेश पटेल, कोषाध्यक्षमा जिवेश मिश्रा र सदस्यमा सुशिल कलवार, श्रीकान्त सहनी, सरोज सिंह र महेश हमाल निर्विरोध विजयी भएको निर्वाचन अधिकृत उज्जवल देवकोटाले जनाए ।

शनिबार अध्यक्षमा निर्वाचित पोखरेलको एशोसिएशनको नेतृत्वमा यो दोस्रो कार्यकाल हो । यसअघि शनिबार विहान ढुवानी व्यवसायी महासंघका अध्यक्ष विश्वनाथ खनालको प्रमुख आतिथ्यमा ७ औँ जिल्ला अधिवेशनको उद्घाटन भएको थियो ।उद्घाटन सत्रमा महासंघका उपाध्यक्ष अच्युत राज खनाल, महासचिव अरुण कुमार श्रेष्ठलगायतको उपस्थिती रहेको थियो । सौराहामै विहान ढुवानी व्यवसायी महासंघको बसेको बैठकले वीरगञ्जको पाथीभारा ट्रान्सपोर्टका सञ्चालक राजेश मल्लिकलाई केन्द्रीय सदस्यमा मनोनित गरेको थियो ।