एजेन्सी । कलाकारीतामा मात्र होइन बलिउड अभिनेत्री शिल्पा शेट्टी ब्यवसायमा पनि उत्तिकै निपुर्ण छन् । उनका पति राज कुन्द्र सफल ब्यवसायी हुन् । हालै शिल्पाले मुम्बईमा नयाँ रेस्टुरेन्ट सञ्चालनमा ल्याउने भएकी छिन्। त्यो रेष्टुरेष्ट बलिउड कलाकाहरुका लागि लक्षित गरेर संचालन गर्न लागिएको उनले बताएकी छन् ।

हाल उनी आफ्नो नयाँ व्यवसायको सामाजिक सञ्जालमार्फत ब्यापक प्रचार प्रसार गरिरहेकी छन् । उनको ब्यवसायलाई कलाकारहरुले पनि निकै चासो दिएका छन् ।

एबिपी न्यूजका अनुसार उक्त रेस्टुरेन्ट बलिउड सेलिब्रेटीहरूका लागि ह्याङ्ग आउट गर्ने ठाउँ बन्ने विश्वास लिएकी छिन्। उनले त्यही भन्दै प्रचार गरेकी छन् । केही कलाकारहरु रेष्टुरेष्टमा पनि पुगीसकेका छन् । त्यहाँको फोटो सेयर गर्दै उनले लेखेकी छिन्,’र अब यो तयार छ।’ एक तस्विरमा भने उनी पति राज कुन्द्र, अभिनेता रितेश देशमुख र अभीनेत्री जेनेलिया डिसूजासँग छिन्। उनीहरू शिल्पाका पहिलो अतिथी हुन्।

मुम्बईको वर्लीमा रहेको बास्टियन चेनको त्यो रेस्टुरेन्टको उद्घाटन भने भएको छैन। नयाँ व्यवसायका लागि बलिउडकर्मीहरूले शिल्पालाई शुभकामना व्यक्त गरिरहेका छन्। शिल्पा व्यवसायमा सक्रिय छिन्। उनको विभिन्न खाद्य सम्बन्धी व्यसायमा संलग्नता छ।