एजेन्सी। पाकिस्तानमा रहेको एक किल्ला संसारकै सबैभन्दा ठूलो किल्ला हो । पाकिस्तानको सिन्ध प्रान्त्मास्थित जमशोरोमा किर्थर रेजको लक्की पहाडमा उक्त किल्ला अवस्थित छ ।

उक्त किल्ललाई रानी कोर्ट फोर्ट भन्ने गरिन्छ । कसैले यो किल्लालाई सिन्ध को ढोका भनेर पनि चिन्ने गर्दछन् । उक्त किल्लाको लम्बाई ६४०० रहेको छ ।

अन्तर्राष्ट्रिय सञ्चारमाध्यमका अनुसार यो किल्ला २० औँ शताब्दीको शुरुवातमा बनाइएको थियो । कसैले भने यो किल्ला सन् ८३६मा सिन्धका गभर्नर पर्सियन नोबल इमरान बिन मुसा बमर्कीले निर्माण गरेका थिए भन्ने गरेका छन् ।

पाकिस्तानको यस किल्लालाई युनेस्कोले पनि विश्व धरोहर स्थलहरुको सूचीमा शामिल गरेको छ । सन् १९९३ मा पाकिस्तानका नेशनल कमिशन फर युनेस्कोद्वारा विश्व धरोहर स्थलको रुपमा चिन्ने बताएको थियो ।

उक्त किल्लामा ४ मुख्य गेटहरु छन् । जसलाई स्यान, अमरी, शाह पेरी रमोहन गेट भन्ने गरिन्छ । यो किल्ला भन्दा भित्र पनि एउटा सानो किल्ला रहेको छ जसलाई मिरी किल्ल भन्ने गरिन्छ ।स्यान गेटबाट मिरी किल्ल लगभग ३ किलोमिटर टाढा रहेको छ ।