वीरगंज संजालबीरगन्ज । नेपाल रेडक्रस सोसाइटी र कोकाकोला नेपालले सयुक्त सहयोगमा कोभिड महामारीमा खटिने स्वास्थ्यकर्मी तथा स्वास्थ्य संस्थालाई सुरक्षा सामाग्री वितरण गरिएको छ ।विश्वभरी फैलिएको कोरोना भाइरसको महामारीमा खटिने स्वास्थ्यकर्मी, बिरामी र स्वयमसेवकहरुलाई सुरक्षको प्रत्याभुति दिलाउनका लागी नारायणी अस्पताल वीरगञ्ज, रक्तसञ्चार केन्द्र र स्वयमसेवकहरुलाई सुरक्षा सामाग्री वितरण गरिएको हो ।
प्रदेश न. २ का आर्थिक मामिला तथा योजना राज्य मन्त्री उषा यादब र केन्द्रि उपाध्यक्ष शर्मिला कार्कीले नारायणी अस्पताल विकास समितका अध्यक्ष पुरेन्द्र किशोर लाभलाई स्वास्थ्य सामाग्री हस्तान्तरण गर्नुभएको हो ।सो अवसरमा आइसियुमा प्रयोग हुने १६ लाख ३२ हजार ८ सय ५० रुपैया बराबरको १ थान भेन्टिलेटर, ६ हजार पिस सर्जिकल मास्क, २५ सय जोडी सर्जिकल ग्लब्स, ५० थान पिपिई सेट, २ सय थान केएन ९५ मास्क, सुरक्षा चस्मा ५० थान लगायतका सामाग्री हस्तान्तरण गरिएको हो ।
रु १८ लाख ५८ हजार १ सय बराबरको सामाग्री हस्तान्तरण गरिएको कोकाकोलाका प्रतिनिधि देव गुरुङले बताउनुभयो । कार्यक्रममा बिरगंज महानगरपालिकाका नगर प्रमुख बिजय सरावगी, पुर्व मन्त्री करिमा बेगम, जसपाका केन्द्रिय सदस्य मुन्नी श्रीवास्तव, जसपा पर्साका अध्यक्ष रामनरेन्द्र यादव, सचिव तबरेज अहमद, नारायणी अस्पतालका मेडिकल सुपरिटेन्डेन्ट डाक्टर सन्जय ठाकुर, नेपाल रेडक्रस सोसाइटीका केन्द्रिय सदस्य अशोक श्रेष्ठ लगायतको उपस्थिती रहेको थियो ।नेपाल रेडक्रस सोसाइटी पर्साका सभापाती बिरेन्द्रराज कडेलको सभापतित्वमा भएको कार्यक्रममा उपसभापति मधु राणाले स्वागत मन्तव्य व्यक्त गर्नुभएको थियो ।
