वीरगंज। बलिवुड अभिनेता आसिफ बसराले आत्महत्या गरेका छन् । भारतीय समाचार एजेन्सी एएनआइले अभिनेता बसरालाई धर्मशाला मैक्लोडगंजस्थित जोगिबाड़ा रोडको क्याफे नजिक आत्महत्या गरेको अवस्थामा भेटिएको उल्लेख गरेको छ ।

adad
उनले किन आत्महत्या गरे भन्ने बारेमा भने अझै स्पष्ट नभएको भारतीय मिडियाहरुले उल्लेख गरेका छन् । प्रहरीको शुरुवाती अनुसन्धानमा बसरा एक विदेशी महिला साथिसँग भाडाको घरमा बस्दै आएको खुलेको छ । प्रहरीले बासराको निधन आत्महत्याबाटै भएको सुरुवाती अनुसन्धानमा देखिएको बताएको छ ।

५३ बर्षिय अभिनेता बसराले बलिवुडसहित कैयौं टिभी सिरिज र वेभ सिरिजमा अभिनय गरेका छन् । उनले बलिवुडमा हिचकी, जब वि मिट, एक भिलेन काय पोचे, वान्स अपन अ टाइम इन मुम्बई जस्ता फिल्ममा काम गरेका छन् । त्यस्तै उनले पाताल लोक र होस्टेजेज जस्ता चर्चित वेब सिरिजमा काम गरेका थिए ।